KAMA YAVU E DUA NA VALE ENA KORO VAKATURAGA O NAVAI E NADARIVATU
Written by Mika Qalobula on April 22, 2025
E mai kama yavu e na bogi e dua na vale mai Nabuesa Settlement,e na koro vakaturaga o Navai,mai Nadarivatu,ka yaco na kama oqo,ni rauta toka na veimama na 12 (12.30am),ena bogi levu.
O Lepani Mudunaivalu,na cauravou ni vale oqo,e kaya ni ratou moce lutu sara tu ga,ka qai ratou rogoca na kacikaci nei nona Tata lailai,ni sa kacivi iratou tiko,me ratou yadra mai me vaka ni sa tekivu me kama na nodratou vale.
E ratou a sasaga ena nodratou i gu taucoko,me ratou bokoca na kama,ka sa sega ni qai mani rawa me vaka ni buturara ni vale e vagataki kina na Pine (floor pine),ka totolo sara na kena tete na kama.
Ni marautaki na siga ni mate kei na tucake tale,e ratou a mani gade tu yani kina ki Navai na ganei Lepani kei na nona vuvale mai Caubati,kei nona Nana Lailai mai Nasevou ka ratou lewe 14 taucoko na tiko ena loma ni vale oqo ena guana e yaco kina na kama,ia,e kalougata,ni sega ni dua e vakaleqai na nona bula.
Sa kerekere tiko o Lepani ki vei keda na na lewe ni vanua ke rawa ni da veivuke kivei ratou,me vaka ni gauna oqo,e sa vo sara tiko ga nai sulu ka toka e tolodratou,ka rawa nio veitaratara ki vua ena naba ni talevoni na 2065080,ka rawa talega nio vakauta kina na nomu veivuke ena MPAISA.
VITIFM – E KAMICA QAI KACHI!!
