Current track

Title

Artist

Background

MAI NA LOGA NI VEIYAQONA KI JAVANI

Written by on July 4, 2021

E mai kacivaki tale ga na yacai Iosefo Masi ka dua vei ratou na 12 na cauravou me matataki viti ki na Tokyo Olympic Games ena vula qo.

E cavutu mai na koro o Waitabu o Masi,ka ra vasu tale ga kina,ena tikina o Wainikeli,yasana o Cakaudrove mai na yanuyanu bulabula.

E dau kacivi tu ga ena yaca na Masi o Iosefo mai vei ratou na nona vuvale,ka vaka kina vei ira kece na wekana kei ira na nona i caba.E a tubu ka susu o Masi mai na nodratou vanua ni teitei mai Delaivuna mai Taveuni.

May be an image of 2 people, people standing, tree and outdoors
E ulumatua o Iosefo kei na dua na ganena kei na tacina,ka tekivu vuli mai na koronivuli na Holy Cross e Wairiki mai Taveuni,ni bera ni ra qai mai tomana ena fomu 6 ki na Suva Grammar ka lai vakacavara sara ki na Nasinu Secondary School.

O Iosefo e se vuli tiko ena vuli torocake na Fiji National Univesiti ena vuli ni Bachelor Degree me baleta na veikau bula,ka sa i katolu tiko ni nona yabaki qo.

Lewena tale ga o Masi na timi ni rakavi ni Eastern Saints ena 15 ka ratou a rawata kina na qaqa ena sotasota ni Suva Rugby Union’s Koroturaga Cup ena yabaki sa oti.

Vakaraitaka o Seremaia Bai na coach ni timi ni Saints ni cauravou i vakarau vinaka o Masi,ka vakavulici vinaka vaka i vakarau.

Vakaraitaka o Gareth Baber,na dauniveivakatavulici ni timi ni Viti ena 7 ni taledi vinaka e tiko vei Masi.

E sa qai yabaki 22 o Iosefo Masi.

Vakarorogo tiko ga mai ena Vitifm 92fm,92.2fm,92.6fm.

source:Nanise Volau.


Reader's opinions

Leave a Reply

Your email address will not be published. Required fields are marked *