Current track

Title

Artist

Background

VOTA TIKO O AMINIASI TUIMABA NA NONA METALI KOULA KIVUA NA TUKANA SA MAI TAKALI ENA YABAKI SA OTI

Written by on August 9, 2021

Vakaraitaka o Aminiasi Tuimaba ni via vota tiko na nona metali koula ka rawata mai Tokyo kivua na turaga tukana ka mai takali ena gauna ni Los Angeles 7’s ena yabaki sa oti 2020.

O Tuimaba e cavutu mai Yasawa ka levu ga na gauna ni nona bula e tu ga vata kei Tukana e Lautoka.

Tukuna o Tuimaba ni levu na gauna rau dau veitalanoataka kina  kei Tukana me baleta na metali koula ena qito ni Olympic ia kalouca sara ni sa sega ni bula tiko ena gauna qo me raica ni u sa rawata mai na koula mai Tokyo ena Olympic.

Kaya talega o Tuimaba ni veika kece sara e rawata tu qo ena vakavinavinakataki ratou vakalevu sara na nona vuvale ena veitokoni levu eratou dau cakava ena gauna kece ni nona vakavakarau kina dua na qito levu kei na qito kece e vakaitavi kina.

Ena gauna qo e qito tiko o Tuimaba ena kalavo na PAU mai Varanise ena French Top 14, gauna kece e qito 15 tiko mai kina mai Varanise e vakanamata tikoga mai nona vakasama kei na vakanananu ena qito levu ni Olympics e Tokyo.

Kaya na cauravou yabaki 26 qo ni sa sega tu ga ni waraka na gauna qo me oti nodratou tauri vakatikitikitaki tiko mai Nadi me laki sota kei ratou nona vuvale baleta ni sa na lesu tale tiko ki Varanise ena dua na gauna lekaleka ga qo.

Ena oti tiko nodratou tauri vakatikitikitaki  tiko na cauravou lewe ni timi ni Viti ena mua ni macawa qo.

Kena i tukutuku matata rogoca mai ena Vitifm 92.2FM/92.6FM/92.0FM


Reader's opinions

Leave a Reply

Your email address will not be published. Required fields are marked *