VUABALE MAI KA BASUKA NA WAI NI UALUVU NA BATINI 7 NA UCIWAI LELEVU ENA NODA VANUA..
Written by Maikeli Radua on January 10, 2022
E 7 na uciwai lelevu ena noda vanua e vuabale mai kina na wai ni ualuvu ka basuka mai na batini uciwai ka vuabale mai tuba.
Qo e okati kina na Nakauvadra River e Rakiraki,Nasivi River e Tavua, Ba River, Nadi River,Qawa River e Labasa,Nasekawa River e Dreketi Vanualevu kei na Waidina River e Naitasiri.
Kevaka o vakaitikotiko ena veiyasa ni veiuciwai qo tokia rawa nomu vuvale ena dua na vanua cere kua ni waraka me buto.
Rawa ni o qirita na 917 se 910 ke o gadreva na veivuke.
Se dei tale tikoga na i vakaro ni ualuvu ena veivanua buca ka ra dau luvuluvu wasoma: Rewa River, Nakauvadra River Rakiraki,Nasivi River Tavua, Ba River, Sabeto River Nadi, Nawaka River, Nadi River,Waibula River, Waimanu River,Wainimala River, Wainibuka River, Qawa River Labasa kei na Nasekawa River Dreketi.
Kena i tukutuku matata vakarorogo tikoga mai ena Vitifm 92.2FM/92.6FM/92.0FM.
