IVEI E TIKO KINA NODA PRIME MINISTER?….Pio Tikoduadua.
Written by Maikeli Radua on January 14, 2022
President of the National Federation Party Pio Tikoduadua.
Vakaraitaka na Liuliu ni soqosoqo vakapolitiki na National Federation Party o Pio Tikoduadua ni gadreva o Viti ena gauna qo na veiliutaki kei na veidusimaki vinaka ena gauna dredre eda se qai vakanadakuya qo ena cagilaba kei na ualuvu….ia evei na vanua e tiko kina qo noda Prime Minister Voreqe Bainimarama me veivakadeitaki veikeda.
Taroga tiko o Pio Tikoduauda evei e tiko kina na Prime Minister ena gauna qo e tiko e Viti se tiko mai valagi? , e rawa vakacava mera sega ni kila tiko na lewei Viti na vanua e tiko kina nodra Prime Minister.
Kaya o Tikoduadua ni sa levu na ka esa rogoci tiko, ia e sega tiko ni se dua nona i tukutuku na Prime Minister me vakadeitaki keda ni oti na ualuvu kei na cagilaba o Cody se qai vakanadakui keda.
Taroga talega o Pio ke yali tiko na Prime Minister e dodonu me tiko e dua na kena i sosomi.
Vakarorogo tikoga mai ena Vitifm 92.2FM/92.6FM/92.0FM ena kena i tukutuku matata.
