CICIVI OTI NA CERE -SOTA ENA MATAKA VOU – MOSESE TAGA

Dau nanumi lesu e levu nai talanoa momona ni kena dau vakananumi lesu walega na bula yaga sa ra mai biuti keda. Kuruseti keda nai rogorogo ni nodra sa mai leqa e dua na toa ni vala kei Viti ena buturara ni Rakavi 15 ka kena kavetani donuya na Rugby World Cup ena 1991 mai Varanise. Era lewena mai vakadede na timi ni Suva kei na QVSOB rugby club. Vakavica vata nodra vakasiqeleti vulavula ka ra dau mosita na vuniniu e tabaki toka ena siqeleti ni qito.

Mosese Taga era cavutu mai Lekutu, Bua. Mai sevutaki nodra qito ena timi ni vanua ena 1987 na sota ni Flying Fijians kei Niusiladi mai Christchurch. Dau vica toka nai tutu e rawa ni taura ena yatu -i-muri, oti sa mani soli vua na siqeleti naba 8 ena yatu-i-liu ka divi kina vakalevu.  Lewena na Queen Victoria School 1st XV ena 1982. Era vakawati sara ki Nadroga ki vei Litia Kurisaqila Taga.

Sa cicivi oti na cere ka ra sa kacivi mera sa lesu tale ki vale  – qori na mata ni katuba e sega ni dua veikeda e rawa ni levea. Miau kai lao moce ‘oha Ra’u Mosese Taga. Vinaha vahalevu a veiwehani re. 

PC-Fiji History