VAQAQA TIKO NA OVISA NA NODRA VEIVACU NA GONEVULI ENA BUSSTAND E SUVA ENA VAKARAUBUKA SA OTI.

Image: Supplied

Sa vaqaqa tiko na ovisa ena gauna qo na nodra veivacu eso na gonevuli ena Vakaraubuka sa oti ena busstand e Suva.

Laurai toka na kena yaloyalo ni veiwaseyaki sara vakalevu ena mona livaliva.

Laurai ni ra veivosaki vakaukauwa eso na goneyalewa gonevuli ka sa tekivu me rau veisa i vacu sara erua na goneyalewa.

Ka laurai talega edua na gonevuli gonetagane ni sa lade yani e loma me tovolea me taraovi rau na goneyalewa.

Sega tiko ni se kilai na vuni veivala vei ira na lala gonevuli qo.

Sa na via vakalevutaka tale na ovisa na nodra na mai tiko ena busstand ena gauna ni suka ni vuli.

Se bera talega ni vakadeitaka mai na Tabana ni Vuli se ratou sa kila na i tukutuku qo se sega.

Kena i tukutuku matata rogoca ena Vitifm 92.2FM/92.6FM/92.0FM