KUA NI BECA NA MATE KAUTA MAI NA MI NI MANU.
Written by Maria Solomone on March 5, 2022
Mi ni manu se Leptospirosis me vaka na ka e vakaraitaka na noda minisitiri ni bula ni rauta 567 esa tauvi ira na yabaki ga qo ka tarai Viti kece tiko.
Toso cake tiko ga na kena veitauvi na Leptospirosis pc:rnz
Laurai ni levu na curu e valenibula era tauvi Leptos yani. Da qaqarauni. Maumau na lewe 23 era mai vakaleqai ena vuku ni matetaka qo.
Qarauna vinaka na kena dewa na Leptospirosis PC:MoH
Ena rivote ni nodratou vakadidike e laurai ni levu tiko ga nai taukei era tauvi Mi ni manu. Rawa ni dua na vuna baleta ni da vaka bai ni manumanu se da butuka na vanua soso ka da sega ni vakaivava ki nai teitei se bai se da vakamanumanu e vale ka rawa ni dewavi keda kina na bacteria ni Leptospirosis.
Rawa ni dewa mai na Mi ni manu.
Bulumakau vuaka kalavo kei na koli ka ra tauvimate rawa tiko e rawarawa nira vadewa manumanu lalai veikeda keda sega ni qaqarauni. Dara tiko nomui vava.
pc:credilhealth.com
Kenai vakatakilakila na liliwa se katakata ni yago, momosi na masela, mosi ni ulu, damudamu ni yaloka ni mata, sega ni via kana, lualua kei na boiri ni ulu. Kaya na vuniwai ni rawa ni walia na Leptospirosis ena antibiotics ia yalovinaka kauti iko ga vei vuniwai kei nasi me rau qaravi iko. Kua ni beca na leptos.
Varorogo tiko ga mai ena VITIFM
source:MoH
