SERE VOU – ROSI NI NARUKU – TOVATA TRIBUTE

O iratou na TOVATA TRIBUTE,e ratou sa kilai levu sara tiko mai ena gauna oqo,e na vuku ni nodratou vei sere ka da sa rogoca tu nikua.E ratou lewena tiko na na matasere oqo o Iliesa Kanadavo,Nacanieli Ravula,David Seru,Niki Biraki kei Pita Boletawa,ka bulia na sere o Sake Nakete ka katoni ena domo ni vakatagi totoka nei Wise Rogoyawa.

Na sere qo baleta tiko  ga e rua na veitau,ka  rau gone ruarua ga ni Nadroga.E a gole ga vaka gade o gone yalewa kina koro nei cauravou,ka mani rau laki sota sara kina ka  sa bucini kina e dua na veikilai ka laki yaco me rau sa veidomoni ena kena sa titobu na veisemati.

Sa toso tiko na gauna sa qai lai kidava mai o cauravou ni rau veiwekani voleka sara ga, ka sega ni dua na ka e rau cakava rawa kina baleta na ni sa kadre ka titobu na nodrau veidomoni.Sa mani yaco mai me sa  toboki marama koso na gauna ni sa vakarau me cava na nona vola tara ni curu vanua me sa lesu tale i vanua tani, sa dua na ka na kena mosi na yalona na  cauravou oqo ni sa varau me yawaki koya na nona ka lomani,na goneyalewa ka domona,ka mosita ni sa rui lekaleka wale na nodrau mai tiko vata.

Ni sa gole yani o gone yalewa ka sa mai tiko voli o cauravou ka sa tekivu me sa temaki ka  mani yaco me coriti koya sara,ka sa  mai loma leqa tu yani o cauravou ni o nona kai ka sa lesu tale ki Tai,e sa dau solia saraga nona dina.Ia,a qai  mani mai vawati o cauravou oqo ena kaukauwa ni veitemaki , ia, na nodrau veidomoni e se vakacagau tiko  ga qo ka sa mani kerekere  o cauravou me qai nanumi koya tiko ga mai, ka se kaukauwa ka taladrodro jiko ga na nodrau veidomoni ena gauna oqo.

E rawa mo na rogoca talega ena VITIFM 92FM,92.2FM kei na 92.6FM.