LEQA E DUA NA GONE YABAKI DUA ENA TYPHOID

5 noda lewenivanua era mai leqa tiko ena vuku ni mate na typhoid ena yabaki oqo, ka wili tale tikoga kina e dua na gone yabaki 1 mai Lautoka.

Vakaraitaka na Vunivola Tudei ni tabana ni Bula o Doctor James Fong ni tiko na nodra yabaki ni bula o ira na leqa oqo ena 18,22 kei 45, o ratou oqo eratou vakai tikotiko mai Ra, kei dua lewenivanua yabaki 51 mai Lautoka.

Tukuna ni 53 na kisi ni typhoid e vakadeitaki ena loma ni yabaki oqo, ka 7 ena macawa sa oti.

6 na kisi e vakadeitaki mai na yasayasa Vaka-Ra kei dua mai na Vualiku.

Eratou sa vakamamasu tiko na Ministry ni Bula, kivei keda na lewenivanua oni vakaitikotiko ena veitaudaku ni taoni se na veitikotiko ka dau sotava tiko vakalevu na leqa ni wai, moni dau saqara vakawasoma na wai oni vakayagataka me kani gunu.