2 E RAU LEQA ENA MI NI MANU
Written by Atu Kurumudu on March 10, 2022
2 na noda lewenivanua erau mai leqa tale tiko ena vuku ni mate na leptospirosis sena minimanu, oqo e dua na cauravou yabaki 19 mai Taveuni kei dua na cauravou yabaki 24 mai Macuata.
Vakaraitaka na Ministry ni Bula ni 25 taucoko na noda lewenivanua era sa leqa ena vuku ni mate na minimanu ena yabaki oqo, 18 mai na yasayasa Vaka-Ra, 2 ena wasewase e loma kei 5 mai na Vualiku.
991 na kisi esa vakadeitaki ena yabaki oqo, ka 279 e vakadeitaki ena macawa sa oti.
Ratou tukuna na tabana ni Bula ni mate oqo esa vakadeitaki ena veiyasana kece ena noda vanua.
Na mate oqo na minimanu, ena rawa ni dewa kivua e dua tale na lewenivanua mai na suasua ni manumanu me vaka na bulumakau, vuaka, kalavo sena koli.
E so nai vakatakilakila ni mate oqo, esa bibi sara tikoga kivua e dua na lewenivanua oya na lekaleka ni cegu, vu dra, mosi ni seresereda, dromodromo ni mata, lailai ni noda gole kina vale-lailai seda lai suasua, kei na dredre ni noda yadra.
