RA KAUWAI NA DAUNIBISINISI MAI NAUSORI NA LEVU NI CAKACAKA BUTOBUTO E CAKA SARA TU GA ENA SIGALEVU TUTU ENA LOMA NI TAONI….VOLITAKI KEI NA KENA VAKAYAGATAKI NA WAIGAGA NI VEIVAKAMATENITAKI,NODRA VOLITAKA NA YAGODRA NA GONEYALEWA KEI NA WAVOKI SARA TU GA VAKAVEITALIA E LOMA NI TAONI.
Written by Maikeli Radua on March 15, 2022
Vakaraitaka dua na daunibisinisi mai Nausori o Zulfikar Ali na nona kauwai kivua na Vunilawa Aiyaz Saiyad Khaiyum, oya na levu ni cakacaka butobuto ka vakayacori sara tu ena sigalevu tutu ena loma ni taoni mai Nausori.
Qo eso na cakacaka me vakataka na kena volitaki ka vakayagataki tiko na waigaga ni veivakamatenitaki, na nodra volitaka tiko na yagodra o ira na goneyalewa kei na nodra dau mai wavoki tu vakaveitalia eso na lewenivanua.
E a mai vosa tiko na Vunilawa me baleta na Revised Budget Consultation ena Hexagon Complex e Koronivia, Nausori ena bogi.
Era sa dausosa saraga na daunibisinisi ni ra dau raica na veicakacaka qo ni vakayacori sara tu ga ena mata ni nodra sitoa ka ra sa kerea ke rawa ni vakayacori kina edua na ka.
