SERE VOU – TALEI DINA – VOQA NI DELAI VAGANI.

Written by Mika Qalobula on March 15, 2022

Na matasere na ‘VOQA NI DELAI VAGANI’,e dua na matasere ka vuqa sara na nodratou sere e dau taleitaki sara vakalevu me vaka na sere kei ‘ADI LITIA RAKATIA,MU COLA MAI kei na kena sere na ROSI NI WAINIBUKA.

E ratou cavutu mai na duidui koro na lewe ni matasere oqo ka ratou vasu taucoko ki Malakati mai na yatu Yasawa,ka vakatokayaca kina na matasere kina delana ko Vagani,e dua na delana mai kea.

Na sere vou ka ratou katona sai koya na sere na ‘TALEI DINA’,na sere baleta e dua gone yalewa kei na dua na cauravou ka rau sota Sara tuga vakacalaka ena rara na Gavery Park,mai Tavua.

Oqo e sere makawa sara, ka bulia ko Sailosi Ratu na vugoi John James Lord jnr,nai liuliu ni matasere oqo. E veivakananumi vei keda kece ka lauti keda ni nodrau mai sota tu ena dua na Carnival ,ni so vei keda e da lako curuma talega kei noda i kasa, na bula ni veisotari vaka oqo.

E a duri tiko o cauravou ka sarasara toka,ka sa kacivi koya tiko yani o gone yalewa ,rau mani veikilai ka rau lai veitalanoa tiko bogi ya ,me yaco sara ni laki vuki na veitalanoa me veidomoni kei na ka kece qai lai sotava o cauravou ,e sa tukuni kece sara tuga na sere qo ka sega ni vakacalaka na nodrau sota ena bogi liliwa oya.