RA VEITALANOA NA DAU TEITEI KEI IRA NA DAU VOLIVOLI.
Written by Mika Qalobula on March 16, 2022
E vakayacori e dua na veitalanoa mai vei ira na dau teitei mai na yanuyanu o Koro kei ira na dau volivoli(Buyers),ena siga e nanoa,ena kena sagai na vaqaqacotaki ni veisemati kei na veivukei e na yasana ruarua.
Na veitalanoa oqo e ratou vakarautaka na Minisitiri ni Teitei ena noda vanua ka ra tiko kina na kena i vakalesilesi mai na ADRA Fiji kei ratou na Save The Children Fiji,kei ira na dau volivoli mai na vei kabani Food Processors, Agro Marketing Authority, Fiji Kava, Garden City Exports, Copra Millers of Fiji, KK’s Hardware, kei na CDP.
Na veitalanoa oqo e vakayacori ena loma ni koro vakaturaga mai Nasau,ka ra tiko kina e rauta ni ra lewe 200 vakacaca na dau teitei mai na 14 na koro ena loma ni yanuyanu o Koro,ka marautaki na porokaramu oqo ena kena sagai me ra veivukei na dau teitei mai na yanuyanu o Koro.
Vakarorogo mai kina VITIFM 92.2FM,92FM kei na 92.6FM.
Source – MOA.
