KACIVI ENA I LESILESI VOU O JESE SAUKURU AKA BUNTI JESS

E sa kacivi ena dua nai lesilesi vou na dau ni veiqaravi ,Co-host ena ‘BOGI KEI IKO’ena VITIFM,o Jese Saukuru aka BUNTI JESS,ka sa kacivi me laki veiqaravi ena otela ni saravanua na MALOLO ISLAND RESORT,mai na yatu Mamanuca.

O Jese Saukuru ea mai tekivu veiqaravi ena VITIFM ena vula o Maji ni yabaki sa oti ka vakasakiti sara na nona dau veivakalasai ,ka bau laki vakaitavi talega ena kena qaravi na Tailevu Zone ka a vakayacori ena ANZ ena yabaki talega sa oti.

E a tekivu veiqaravi e vale ni walesi(VITFM),ena ‘VAKACABESIGA’,ka rau dau veiqaravi vata kina kei Atu Kurumudu ka lewena tiko  ena porokaramu na ‘OUCH PALAGI SHOW’.

Ni oti na nona a dau veiqaravi ena ‘VAKACABESIGA’,sa qai mai veivuke tu ena kena soko taki na waqa levu na ‘MV BOGI KEI IKO’kei Mika Qalobula,ka dau taleitaki sara vakalevu na porokaramu ni ‘BOTIBOTI’ena vei bogi ni Moniti kina Vakaraubuka, ena nona i talanoa lasa ka dau vakaseavu tu ni galili ena veibogi,ka toka talega kina na yacana buli sai ‘BUNTI JESS’.

E sa na biubiu tiko ena siga ni mataka o Jese ena i lakolako sobu kina yasayasa vaka Ra,ka sa na laki tekivu veiqaravi ena Yatu Mamanuca enai matai ni siga ni vula mai oqo.

Vakarorogo mai kina VITIFM 92.2FM,92FM kei na 92.6FM.