SA MOCE FR.JOSEVA TUIMAVULE CM

E ra osota yani na Koronilotu ni Ekelesia Katolika mai na St.John the Apostel Parish mai Natovi nikua,o ira na lewe ni lotu katolika,kei ira ,mata lotu vakarisito tale eso,na dui kaikai,na qase kei ira na gone, me ra laki vakaraitaka nai otioti ni loloma ki vua na Turaga Bete o Fr.Joseva Tuimavule,ena nona soqo ni veitalaci.

E cavutu mai Namatakula mai Nadroga o Fr Jo,vakaitavitaki koya sara vakalevu ena vuku ni lotu ka sega walega ena loma ni lotu Katolika,ia e dau veiqaravi vei ira na veimatalotu tale e so kei ira na veimatatamata.E dau veitokani voleka sara kei ira na soqosoqo ni didivara kei ira na galu (Deaf community),ka dau cata sara o koya me ra dau biliraki ,ka vulica talega na sign language ka dau vakayacora ena gauna taucoko ni dau caka lotu me rawa ni ra vakamuria tale tikoga na lotu o ira vakaleqai  tu nai tuvaki ni nodra rogo kei na vosa, (didivara kei na galu).

Na misa ni veitalaci kei na tucake tale nikua,e vakacabora nai liuliu ni lotu Katolika e Viti kei Rotuma o Archbisop Peter Loy Chong ka ra osota yani e udolu na lewe ni vanua ka ra gole mai na vei yasai Viti.

E ra vakaitavi ena sere nikua o ira na gone vuli mai na St.Joseph Secondary School kei na koronivuli na Marist Brothers High School,me vaka ni o rau na koronivuli oqo,e dau veiqaravi tu mai kina o koya.

Na turaga oqo o Fr.Jo,e dua ka nuitaki vakalevu ena loma ni lotu Katolika e Viti ka vakaraitaka o Archbishop Peter Loy Chong ena dua na nona mala ni vosa nikua,ni sa dua na ‘LAQA’,sa mai biuta tu o Fr.Jo ena nona sa kacivi oqo.

E ra kaba ena dela ni container na cauravou me ra bau raica talega na nona sa bulu o Fr.Jo.

Na marama na Tinai FR.Jo e taba toka oqori ena yasa ni nona i bulubulu o Fr.

PC – PASEKA