DRUKA NA FIJIAN DRUA VEI REBELS ENA BOGI.

Eratou mai qaqa ena i matai ni gauna na timi Rebels vua na Swire Shipping Fijian Drua ena kai e 42 kei 27 ena bogi.

pc:Drua fbpage.

E vica na malumalu eratou vakayacora e loma ni rara na cauravou ena i matai ni veimama,ratou vakayagataka vinaka sara ga na timi ni Rebels,ka ratou tabaka rawa kina e rua na sikoa mai vei Jordan Uelese kei Matt Philip.

Rua na i totogi e caqeta curu o Matt Tomua ka ratou qaqa kina na Rebels ena 21 kei 6 ena i matai ni veimama.

Ena i karua ni veimama sa ratou qai kaukauwa cake sara na noda cauravou ka tabaka kina o Kitione Salawa e dua na sikoa.Rau yadua tale ga na sikoa o Tevita Ikanivere kei Kalaveti Ravouvou.

Ia, e ratou kaukauwa tale toka ga ena tataqomaki na timi ni Rebels,ka ratou mai qaqa kina vua na Drua.

Ena so tale na macala ni sotasota o Moana Pasifika e qaqa tale ga ena i matai ni gauna vei Hurricanes ena kai e 24-19.Ena kai vei volekati sara e druka na Western Force vei Brumbies ena kai 39-38

Ia, na qito tale se vo tiko ena siga ni kua Highlanders kei Blues-3.35pm,Ciefs kei na Crusaders -6.05pm,Reds kei na Waratahs ena 8.45pm.

Varorogo tiko ga mai ena VITIFM.