NA VULI BALETA NA WAI MAI NAWAISOMO
Written by Atu Kurumudu on April 14, 2022
Dina mada ni dau taladrodro vinaka tu na wai ni gunu kei na wai mai na vaivo ena veisiga mai Nawaisomo ena loma ni tikina vakaturaga o Nagonenicolo mai Naitasiri, ia, e sa dua na ka marautaki dina ki vei ira na kena cabe yani na matanitu me laki caka vuli ki vei ira na lewe ni koro ena kena qarauni na wai ni gunu, na kena maroroi, maninitaki ka qarauni talega.
Ena toqai tu enai vola itukutuku ni koro vakaturaga ko Nawaisomo na nodra gole cake yani na Minisita ni bula o Vuniwai Ifereimi Waqainabete mera laki sogota na vuli yaga oqo me baleta na wai ena Tusiti ni macawa qo naika 12 ni evereli.
E kaya e dua na marama mai kea o Lanieta Likuwawu ni dua na ka talei na nodra mai kila vakarabailevu na yaga ni vuli oqo mai Nawaisomo.
E kaya talega ko Laisenia Koroibuna ni sa qai vula 4 wale tikoga na nona taura voli nai tutu vaka-turaga-ni-koro ka sa dua dina na vuli yaga e laki vakayacora qo na tabana ni wai me vaka ni dau levu na leqa e dau yaco ena nodra wai ni gunu. Sa vukea na kena wali na veivakararamataki qo. Era lewe 20 era lewena na vuli qo mai Nawaisomo.
Source: MOH
