MARAUTAKI MAI TOGOVERE NA SIKO YANI NEI WAQAINABETE

Valuti ni Typhoid se Taifoti e sega ni gu ce kina na Minisitiri ni Bula me veivakararamataki. Talevi o Togovere mai Ra ena loma ni macawa qo ka ra sikova na Minisita ni Bula Vuniwai Ifireimi Waqainabete. Na koro oqo esa votai oti vei ira e 18 na vale ni vakacegu ka solia na Minisitiri ena veitokoni nei UNICEFs WASH program, ia na kena mai veitakavi na Taifoti ena koro, sa mani kerei ke rawa ni so tale. E kaya na kena turaganikoro o Penisoni Lovodua ni mataqali valelailai vaka oqo (Latrines) e sega soti ni dau vakalusi wai ka ra sa nanuma na lewe ni koro mera yadua talega me sosomitaka na nodra flush toilet, baleta na vakayagataki wai.

Tukuna na nasi ni Koro o Miri Tuimala ni dua na ka na leqa ni wai era dau sotava wasoma ia, sa ra marautaka vakalevu na nodra tani ni wai vou ni sa kau yani.

Kaya o Vuniwai Waqainabete ni kena mai yali wale eso na bula yaga ena vuku ni Taifoti e vakananumi keda vakalevu ni sega ni dua e rawa ni galala mai na nona rawa ni takavi. Era saga vata na lewe ni tikotiko ki na tabana ni bula me ratou veivakararamataki ka veivukei. Maumau sara ni mai lewe 5 na lewe ni koro e ratou mai leqa kina. Me wali na leqa ni wai eke, sa solia na minisitiri ni bula na taqe ni wai levu ni koro. Na veitokoni oqo era tiki kecega ni kena sagai me tarovi na dewa ni Taifoti mai Togovere.

Source:MOH