SERE VOU – NAMUAIMADA – VESI DOMONI KEI NAMALATA
Written by Mika Qalobula on June 2, 2022
Na ‘VESI DOMONI NI NAMALATA’,e dua na matasere ka ratou se tekivu katokatoni ena yabaki 2017,ka levu sara na nodratou sere e dau matalia ka totoka ni da dau vakarogoca ena rorogo eratou solia, ka vakakina na veiwaki vinaka ni domodratou.
E ratou lagasere tiko ena matasere oqo o Kanato Bai,Navitalai Delaiverata kei Ilai Ravuravuiwaca,ka liutaka tiko na matasere oqo o Sikeli Rasei,ka ratou cavutu mai ena koro vaka turaga o Matacaucau,Namalata mai na Vualiku kei Tailevu.
‘NAMUAIMADA’-Oqori na nodratou sere vou ka mai tavoci ena bogi nikua ena porokaramu na ‘NEW BORN’,ena VITIFM,ka talanoataki kina na nodratou a laki vakacagicagi tu ena baravi mai na koro vakaturaga mai ‘NAMUAIMADA’,mai na yasana vakaturaga o Ra,ena nodratou i lakolako sobu ki Lautoka ena vuku ni katokatoni.
E talanoataki ena sere oqo na totoka ni kena veibaravi vei nukuvula,na kena cagicagi vinaka kei na kena talei ka ratou sarava talega na veikoro ka davo mai ena mua ni toba mai Navitilevu Bay.
E rawa nio rogoca na sere totoka oqo ena VITIFM 92.2FM,92FM kei na 92.6FM.
VITIFM – E KAMICA QAI KACHI !!!
