SOLI NA NODRA TAQE NI WAI NI GUNU MAI OVEA,BAU,TAILEVU.
Written by admin on June 9, 2022
E laki solia nikua na Prime Minister ni noda vanua o Voreqe Bainimarama,na nodra taqe ni wai na lewe ni koro mai Ovea,Bau,Tailevu,ka sa rawa ni vakacegui ira na lewe 480 na leweni koro,ena kena sa na vakarawarawa taki yani vei ira na sala ni medra wai ni gunu.
Ena nona sasaga na Turaga ni koro mai Ovea o Mr Waisake Tukana,e a laki veitaratara kina ena vale ni volavola ni Prime Minister ena vuku ni leqa ni wai era sotava tiko na lewe ni nona koro ena veisiga.
Na kena mai soli oqo na nodra tani ni wai e Ovea,e vakaraitaka na Prime Minister ni sa tiko nai tuvatuva me qaravi me baleta na kena sagai ena kena vakadrodroi vinaka yani na wai ena veiqaravi ni Tabana ni wai ena noda vanua,kei na kena sagai talega na kena vakavinakataki yani na nodra gaunisala.
E vakavinavinakataka vakalevu na Turaga ni koro ena vuku ni veivuke levu oqo,me vaka ni re se sotava tu na leqa ni wai mai na vula ko Seviteba ena yabaki sa oti me yacova mai nikua,ka ra dau waraka tu ga na lori ni wai,ena kena dau gole yani e nakoro,ka ra dau nanamaki tale tu me dau tau na uca,ka me ra vakayagataka na wai ni uca.
Vakarorogo tiko mai ena VITIFM 92.2fm,92.6fm kei na 92fm.
VITIFM-E KAMICA QAI KACHII.
Source: Office Of The Prime Minister fb page.
Reader's opinions
Continue reading
