QAQA NA TIMI NI TAGANE ENA RELAY NI OCENIA CHAMPIONSHIP
Written by Maria Solomone on June 10, 2022
E mai soli na metali koula vei ratou na timi ni tagane ni Viti ena relay ni 4by100m ena vuku ni nodratou a totogitaki na timi ni Ositerelia ena vuku ni dua na cala,dina ga ni ratou a liu ka tarava na timi ni Viti ena sotasota ni Ocenia Championships ka vakayacori tiko mai Ositerelia.
Qaqa na timi ni Viti ena relay:pc-atheleticsfiji
Ratou ciciva rawa na gauna e 41.64s,ka ratou a karua vei Ositerelia,ia,ena vuku ni nodratou totogitaki o Ositerelia,mani sa soli kina na qaqa vei Viti.Na lewe ni timi e oka kina o Ratu Mali Romuakalou, Nikola Raiqeu, Banuve Tabakaucoro kei Waisale Inoke.
Metali Siliva o Waisale Inoke gole na koula vei NZ ena Long Jump:pc-atheleticsfiji
Ena i katolu ni siga ni sotasota e mai rawata kina o Waisale Inoke na metali Varasa ena lade balavu ka ladeva rawa kina o koya e 7.06m,rau veisivi ga na 1cm kei Agnus Lyver mai na timi ni Niusiladi ka qoqona na metali siliva,ia na metali koula e rawata o Blake Shaw mai na timi ni Ositerelia,ladeva rawa okoya e 7.29m.
source:atheleticsfiji
