SERE VOU – AU NANAMAKI – YOUNG BROTHERS ft KULA DOMONI TAGIYAWA

‘YOUNG BROTHERS ft KULA DOMONI TAGIYAWA’-Na matasere e 2 qo,erau biuta vata e dua na sere vou ka ratou lewena tiko e so na caurvou mai Bua,kei na vica na cauravou mai Kadavu,ka liutaka tiko na kena katoni na sere oqo o Simione Buinimasi.

“AU NANAMAKI”-Oqo na sere vou ka sa qai tavoci ena “NEW BORN” ena bogi nikua ena VITIFM,ka talanotaki kina na nodrau bucina e dua na veidomoni edua na Cauravou ni Bua,kei na dua na Goneyalewa ka rau veiwekani ga,ena gauna rau se vuli ena dua na koronivuli mai Vanualevu.

Ena nona vakila na nona bula na cauravou oqo,ka vakabauta ni na sega soti sara ni na rawata vakavinaka na veika vakavuli,ka sa navunavu me sa gole ki nakoro,ka me laki vakayagataki qele.Sa vakadewataka nai tukutuku ki vua na goneyalewa ka rau sa veidomoni voli,ka rau sa mani duavata kina.Na levu ni nona guta na vakayagataki qele,e tuvatuva ka kina me veivuke ki vei goneyalewa ena gauna e sa na yacova kina na vuli torocake.Sa matua tu na were,ka sa bolea me veivuke ena veiqaravi vei goneyalewa ka nanamaki voli ni na yaco na gauna me rau na vau,ia,ea qai sevataki ni sa dewavaletaki na nona dodomo na goneyalewa koya,me vaka ni sa laki domona tale edua tale na tagane ka sa laki raica.

Sa dua na ka na kena mosi vei cauravou nai vakarau oya,me vaka ni kila ni rau veiwekani ga,ka sa cala kina na nona nanamaki.

LEWE NI MATASERE-Avimeleki Waqatini,Leone Lawa,Jonetani Gucake,Sekonaia Cama.

Vakarorogo mai ena VITIFM 92.2fm,92.6fm kei na 92fm mo rawa ni ko rogoca kina.

VITIFM-E KAMICA QAI KACHII.