ERA TAQAYA NA GONE ENA VUKU NI MATE – UNEUNE – AFGHAN
Written by Atu Kurumudu on June 24, 2022
Vakaraitaka e dua na vuniwai mai Afghanistan ni levu na gone era mai leqa ena uneune ena siga vukelulu eda sa qai mai vakanadakuya.
Rauta ni 1,000 vakacaca na lewenivanua era mai leqa ena uneune ka salavata kei na tau bi ni uca. Levu era mai leqa , e buluti ira ga na qele kei na vale ena uneune kaukauwa oqo ka rauta 6.1 na magnititude.
Vakaraitaka e dua na marama mai valenibula mai na yasana o Paktika ni sa mai vakayalia e 19 na leweni nona vuvale ni ratou mai leqa talega.
Tukuna nai soqosoqo na Taliban ni se tomani tiko ga qo na kena vakasokomuni na kedra i wiliwili kei na nodra vukei na lewenivanua.
Vakaraitaka na gusu ni vosa ni Taliban ni dredre tiko na nodra yacova e so na vanua mai kea ena kena sega ni vakadrodroi vinaka tiko nodra gaunisala ni veitaratara ena mona livaliva.
E mai vakacacani na nodra valenibula ka ratou vakarautaka na United Nations na kakana kei na veivuke vei ira na lewenivanua.
Source :BBC
