3 ERA VESU KA 46 ERA MAI LEQA ENA DUA NA LOMANI LORI MAI TEXAS.
Written by Atu Kurumudu on June 29, 2022
E ratou lewe 3 eratou mai tauri vakavesu tiko ena gauna oqo ka vakabauti ni ratou mai vakavuna nodra mai leqa e 46 na lewenivanua ena gauna era toki ka takosova na i yala ni vanua ena dua na lori mai Texas.
Mai yaco na veika oqo ena Ceva i Ra kei San Antonio’s ena gauna e laurai kina na veika e mai oqo.
Rauta ni 16 na lewenivanua e ratou mai kune ni ratou se bula tiko ka wili kina e 12 na qase kei na 4 na gone ka ratou sa cicivaki e valenibula.
Mai vei iratou na bula tiko, eratou sotava sara tuga na gauna oqo na dredre ena kaukauwa ni katakata ena gauna era sogo butu tu ena loma ni lori levu oqo.
Vakadeitaka na Mexico’s Foreign Minister Marcelo Ebrard ni 2 na lewenivanua erau bula, erau lewenivanua mai Guatemala.
Vakaraitaka na San Antonio Police Chief William McManus ni so vei ira na tamata cakacaka ena vanua e yaco kina na veika oqo era rogoca na domo ni tagi kei na kere veivuke, rauta toka na 5 na kaloko ena kena yakavi [ Texas time ]ni bera ni ratou lai vakaqaqa. E ratou raica na tere ni lori levu qo ni sa tadola tu ka ratou raica na yagodra na wekada ni ra davo matemate koto.
Tukuna o Hood ni dua vei ira na mai leqa oqo esa kune tu na yagodra e tautuba ni lori levu oqo kei na kena vo e loma ni lori.
E se bera ni vakadeitaki ena gauna oqo o iratou na 3 eratou tauri vakavesu tiko oqo e tiko na kedratou i sema se sega. E sega ni matata se cava vuni nodratou mai leqa baleta ni 39 degrees na i vakarau ni katakata ena vula qo o Jiune mai kea.
Source : 9 News
