Rau veitalanoa na MI5 kei na FBI-me baleti Jaina.
Written by Atu Kurumudu on July 7, 2022
Era sota na iyaraqele ni tabana ni veitaqomaki se na ‘security services’ ni matanitu e rua – Amerika kei Peritania , ena kena veitalanaoataki na i naki se na bukivere e rau raica tiko mai na matanitu o Jaina.
MI5 head Ken McCallum (mawi) kei na FBI director Christopher Wray (matau)
Vakaraitaka tiko na dairekita ni FBI Christopher Wray ni matanitu o Jaina e na rawa ni vakavuleqa ena veika vaka politiki , na rawa ka vakailavo kei na nona rawa talega ni yavalata na bula galala ena loma ni matanitu levu o Amerika.
Kuria ka kaya na iliuliu ni MI5 o Ken McCallum , ni ratou sa vakarua taka nai walewale ni nodratou taqomaki ratou mai vei Jaina ena loma ni tolu na yabaki sa oti na matanitu o Peritania ka na vakaikuri taki tale na kena vaqaqacotaki ena veisiga ni mataka.
Tomana na MI5 ka kaya ni tubu sara tiko na kisi e ratou vaqaqa tiko ena gauna oqo ka sema tiko kina Chinese Communist Party me vakatauvatani ena yabaki 2018.
Solia nai vakaro na ivakalesilesi ni FBI o Wray ka kaya , kevaka ena via taura vakaukauwa na matanitu o Taiwan o Jaina , ena dua na gauna dredre duadua vakabisinisi mena raica se vakila na noda vuravura.
Na i sevu ni nodrau sota nai liuliu ni soqosoqo e rua, e yaco tiko ena valeni volavola liu ni MI5 ena Thames House, Lodoni.
source.bbc
