All Blacks – Sagai me laurai totolo nai wali ni leqa.
Written by Atu Kurumudu on July 11, 2022
Sega ni levu na gauna me laurai ena timi ni All Blacks na levu ni cala e dau vakayacora ena loma ni rara.
Ia , nai vakadinadina e vakavotui saraga mai ena nodratou a druka ena kai 23-12 vei ireland mai Dunedin ena bogi ni Vakarauwai.
Dodonu mena vakavinakataki na – ‘discipline’ ena gauna ni qito ni bera ni vakayacori na i otioti ni nodratou sota ena mua ni macawa oqo. Vica talega na kudru e basika ena vuku ni tikite damudamu [red card] ka soli vei Angus Ta’avao kei na rua na tikite dromodromo vei Leicester Fainga’anuku kei na duru o Ofa Tuugafasi. Soli kece tiko na card oqo ena imatai ni veimama.
Kalougata talega na timi ni All Blacks ni sega ni soli vei Ireland e dua na penalty try ena veivesu totolo ka vakayacorna o Tuugafasi vei Farry Ringrose ena gauna ratou a kabakoro cake kina. Ke a sega na veivesu totolo oya ke a dua talega na sikoa rairai vinaka ratou rawa ni tabaka na timi ni Ireland.
Nuidei na timi ni All Blacks ni na nodratou tale nai karua ni qito ni oti nodratou a druka saraga vaka ca na Ireland ena i matai ni qito e Eden Park ena kai 42-19.
Vei ira na dau vakamuria na timi ni All Blacks era kaya , ni malumalumu makawa ga e tiko ena timi e se laurai tikoga ena gauna oqo.
source:Richard Knowler [dua ka dau volavola ena Stuff.co]
