15 ERA MAI LEQA ENA VEIVANA MAI NA DUA NA VANUA NI GUNU – SAUCA AFERIKA
Written by Atu Kurumudu on July 11, 2022
Lewe 15 na lewenivanua era mai leqa ena dua na vei vanavanai mai Orlando East tavern ena mataka ni Sigatabu.
Era sega vakadua ni vakabauta ena i vukivuki nei koya na turaga ka veivana ena gauna e sobu mai kina ena nona motoka ka sega ni dua nai vakatakilakila ni loma ca kei na veivana e bau vakaraitaka.
Vakaraitaka edua na dau tauri tukutuku mai na BBC ni levu vei ira na weka era tu ena vanua oya ena gauna e vakayacori kina na veivana era curu bibi tu e valenibula.
Rauta na nodra yabaki ni bula o ira era mai leqa e tiko mai na maliwa
ni 19 kina 35 na yabaki ni bula.
Kunei na yagodra o ira sa mai leqa kei na dave ni dra ni ra sa vei bikabikai tu e kaya o Ntombikayise Meji.
E ratou tomana tiko ena gauana oqo na tabacakacaka ni ovisa mai kea me ratou vakatakila se ocei dina e vakayacora nai tovo lolovira oqo.
Vakaraitaka nonai tukutuku o Thaban Moloi, e dua ka veiliutaki tiko ena nodrai tikotiko vaka Soweto, ni ratou rarawataka vakalevu na balavu ni gauna e tauri iratou na ovisa ni bera ni ratou qai yaco yanii ena vanua e yaco kina na veivanavanai. E taura e 5 na auwa meratou qai yaco yani na ovisa.
E vakadomobula , era sega ni kila na cava mera cakava , kevaka meda tu e kea me da raica ni nodra tagi yaso na marama kei na gone ena levu ni nodra domobula.
Tukuna o Mr Moloi e yaco tiko na veika oqo ena 11 na kaloko ena bogi ni Siga Vakarauwai ka ratou qai yaco tu yani na ovisa ena 4 na kaloko ena mataka caca ni Sigatabu.
SOURCE : BBC NEWS
Reader's opinions
Continue reading
