SERE VOU-KOULA KEI VANUAVATU-SENILAGAKALI KEI KOROILAGI

”SENILAGAKALI KEI KOROILAGI”-Na matasere oqo,e liutaka tiko o Jesoni Tukana, ka vuqa sara na nodratou sere edau vakatagitaki,ena VITIFM,ka vuqa sara na lewe ni vanua era dau marautaka na nodratou sere,kei na nodratou dau veivakamarautaki.

“KOULA KEI VANUAVATU”-Oqo na kedrau sere e dua na Turaga ni Bua kei na dua na marama ni Vanuavatu mai na Yatu Lau,ka bucini na nodrau veidomoni,ena kena vodo na kena kamica kei na veilomani ka yaco me dua sara na vuvale mamarau.

E soko vinaka tu na bula ni veidomoni,sa rogo kaci mai na mataivalu ni Bolatagane kivei tagane me sa laki lewena na mataivalu ni Igiladi [British Army].Na nona lako qori,e sega ni tiko dei ka sasagataka na nona i lakolako me muri i Igiladi ka laki tomani na bula ni nodrau vuvale vinaka.

Sa toso tiko na bula mai tai, ka yaco na gauna me bikai tagane edua na tauvimate bibi sara ka voleka sara ni rawati koya,ia,e kalougata ni toka raviti koya na marama na watina ena vuku ni nona veiqaravi ka sega ni vakacauoca vakadua ,dina mada ni sa bibi na mate e veitauvi voli,ia, na vinaka ni nona veiqaravi kei na nona solia kece na yalona kei na nona dina na marama ni Vanuavtau mai Lau qo,me yacova saraga ni ra kurabuitaka na vuniwai ni bula rawa tale mai na turaga na watina.

Na levu ni nona marau na turaga ni Bua mai Vanualevu qo,sa qai kerea o koya vei Jesoni Tukana me vola e dua na sere me I vakavinavinaka vua na Marama na watina ena veiqaravi cecere e mai sotava,ka vinakata me seretaki me vakaraitaka na vakavinavinaka vei iratou kece na tavalena,ka vakabibi vei nona Daulomani ka vaka toka me nona “KOULA KEI VANUAVATU”.

Vakarorogo mai ena VITIFM 92.2FM,92.6FM kei na 92FM.

VITIFM-E KAMICA QAI KACHII.