Mai kacikacinicagi o Judith Durham ena yabaki 79, na daulagasere ni matasere na ‘The Seekers’ .
Written by Meliki Kuila on August 6, 2022
Tauri ena rivote ni a mai leqa ena nona valuta tiko na mate ni gacagaca ka tauvi koya tiko.
Durham e a lewena na ‘The Seekers’ ena yabaki 1960 vata kei Athol Guy, Keith Potger kei Bruce Woodley mai Malevani.
Ena 1967, eratou taura na leweni matasere na cocovi ni matasere duavata vinaka ena ‘Australian of the Year Award’, ka ratou duadua ga na matasere eratou se taura tikoga nai covi oya me yacova mai oqo.
E mai tawase me dua na yabaki na matasere, oya na gauna e sa vakanamata vakatabakidua o durham kina nona sasaga, eratou qai mai duavata tale ena g auna eratou qai mai vakaitavi vata tale kina ni oti toka e vica na yabaki.
Nov. 9, 2011, PC: Dianna O’Neill Publicity,
Ena 1995, eratou mai taura na ‘The Seekers’ na HALL OF FAME, ni oti e ruasagavulu na yabaki, e ratou sa dui taura nodratou tutu vaka ‘Officers of the order of Australia’ na lewe ni matasere.
Durham e qai vauci vata kei na nona darekita ni lagasere o Ron Edgeworth ena yabaki 1969 ni sebera ni rau gole ki Urope.
Ena 1990, e rau a gole vakaveiwatini vata kei na nodratou Manidia ni veivakasarasarataki e vanua tani o Peter Summers ka ratou qai oka ena dua na v akacalaka e Victoria, ka mai leqa sara kina na draiva ni motoka kadua, kei na nona kamusu o Durham.
Era duavata na Dauniveitokoni ni matasere ena gauna e ra rogoca kina na vakacalaka, e ra qai vakayacora edua na nodratou sotasotavata na ‘The Seekers’ me vakavakarau kina Jiupili Siliva. Donumaka na gauna ni Sotasotavata, Edgewoth e a qaravi vaka valebula ena vuku ni mate tauvi koya tikona ‘mmotor neuron disease’ , qai vakacegu ena yabaki 1994.
PC: (AAP Image/Julian Smith) NO ARCHIVING
Ena Me 2013, eratou mai duavata tale kina na matasere ena vuku ni vakavakarau kina ‘Golden Jubilee tour’. Durham kei na nona tauvimate mai vakaleqa saraga nona wilivola kei na volavola- wili kina nona wilika na vola ni sere.
Na nona lagasere e a sega ni vu mai na nona tauvimate.
Ena yabaki 2015, e a vakatokayaca taki vua na ‘Victorian of the Year’ ena vuku ni nona veiqaravi ena buturara ni lagasere kei na nona dau oka tu ena vanua ni veivukei ena nona vanua.
Vurevure: 7 News.co.au
