Laurai na Mariwana ena so na Vanua vou.
Written by Meliki Kuila on August 14, 2022
E ratou tomana tiko na ovisa na nodratou cakacaka ena kena valuti na teivaki ni mariwana ena so na vanua vou.
Sala muria edua na kisi ni nodrau vesu mai edua na veiwatini e Vatuwaqa ka laurai e na nodrau vale na mariwana kei na uma i lavo, ka vakabauti ni lavo ni mariwana rauta ni $4,000.
Tauri talega nai tukutuku ni rau teivaka tiko na mariwana mai na yanuyanu ko Gau, ka ratou lai vakadinadinataka mai na tabana ni ovisa ni rauta ni 700 na vuna ena nodrau i teitei.
E rau sa tauri tiko vakavesu na veiwatini ka mena qai kacivi tale na nodrau kisi ena siga tusiti.
Tauri talega mai nai tukutuku ena siga e nanoa e na Vualiku ni dua na dau teitei yabaki 25 mai na koro o Qaravutu e tauri vakavesu tiko ena gauna oqo ni oti na kena laurai ena nona i teitei rauta ni 3,000 na vuni mariwana.
Salamuria na vuli mai vua na i vukevuke ni Japan International Cooperation System ena macawa sa oti, vakaraitaka na Commissioner of Police brigadier General Sitiveni Qiliho me vaka ni levu nai tukutuku e tauri tiko mai ena veiyanuyanu me baleta na kena teivaki kei na kena volitaki tiko na mariwana, e ratou sa cakacaka sara kina vakaukauwa na tabana ni lawa ena nodratou na dau wavoki ena vei waqa ni ovisa me raica ka valuti na teivaki ni waigaga me vaka na mariwana.
Vurevure: Fijivillage.
Vakarorogo tikoga mai na VITIFM 92.2/92.6/92 FM
