Mate e 41 kei ira era mavoa ena kama ni valenilotu na Giza Coptic church-Ijipita
Written by Atu Kurumudu on August 15, 2022
Era mate e 41 ka levu era mavoa ena kena kama e dua na valenilotu va Karisito mai Ijipita. Levu vei ira era mate ga ena nodra sa veioso-oso ka sasaga ni vaqara bula mai ki tuba.
Tukuni talega ni vica vei ira na mai leqa oqo era gone lalai.
Rauta nira lewe 5000 era lotu tiko ena valenilotu na Coptic Abu Sifin ena gauna a yaco kina na kama.
Tabaki na kena i tukutuku ni sogota sara tu ga na yameyame na katuba mera dro bula kina na lewe ni lotu.
Se tomani tikoga na nodra saga na kena dau mera kila se a tekivu vakacava na kama oqo.
Ia e vakaraitaka e dua ka dauniveiqaravi o Father Farid Fahmy, ni a mai boko na livaliva , era qai vakayagata na idini se na generator . Na gauna e qai drodro tale mai kina na livaliva a qai vakavuna na kena tekivu na kama.
source:bbc
