SERE VOU- DELANA VOU- CAGI NI DELAI YATOVA .

” CAGI NI DELAI YATOVA” – Oqo na matasere ka liutaka tiko o Ledua Cakacaka ka ratou cavu tu mai ena loma ni koro vakaturaga o Avea, Vanuabalavu mai na Yatu Lau, ka vuqa sara na nodratou sere me vaka na ‘ COKA KO DABEA, URA BUTA, kei na vuqa tale e dau taleitaki ka levu sara era dau mateca ni ra dau rogoca.

“DELANA VOU”- Oqo e dua na nodratou sere vou ka talanoa tiko kina e dua na goneyalewa me baleta na dredre ni bula ka lako curuma ena nona susugi cake mai. Na sere qo e buli me vakasavuya kina na nona vakavinavinaka levu vei rau na nona i tubutubu ena veisusu vinaka erau a cakava vua ka mai rawata kina e dua na nona cakacaka vinaka. 

E veiqaravi voli na goneyalewa qo ena mataivalu ena noda vanua, ka vakataleva na veiyasai vuravura ena cakacaka ni veisaututaki. Ni nona i lakolako qori e dau votu tu ga mai vua na dredre ni bula eratou lako curuma vakabibi na nona susugi cake mai ka sega vakadua ni dau yali vua na i tautau mai vale oya me dau qarava na kalou ena yalo dina,ni sai koya nai nuinui ni veika vinaka ena noda sasaga.

Sa veivakasalataki tale tikoga na sere qo kivei keda kece sara, meda kakua ni guilecava na noda susugi cake mai.

E rawa ni o rogoca talega na sere qo ena VITIFM 92.2FM/92.FM /92.6FM 

VITIFM E KAMICA QAI KACHI!!!!