Sega ena facebook – Qalita ni vunikau ga sa rawata.
Written by Atu Kurumudu on September 8, 2022
Levu tu na gaunisala ni noda veitalanoa se veitaratara oi keda kece na veika bula ena ruku ni matanisiga oqo. Ia ni rogoca qo , mai vei ira na chimpanzee.
E kunei ni duatani na nodra sala ni veitaratara vei ira na nodra i tokani ka vaka toka beka me nodra ‘social media’
Era dau vakauta na nodra itukutuku vei ira na kena vo ena nodra dau tukia na qalita ni veivunikau mera vakauta kina nai tukutuku. Na rorogo oya e rawa ni laki yacova sara na 3,280ft (1km) na vanua e laki rogo yani kina.
Era raica rawa na sainitisi ni so na chimpanzee mai Uganda ena veikau na ‘Budongo Forest’ e duidui tu na nodra i walewale ni rorogo era dau cakava – so vaka mera tukia toka na dramu ni sere na ‘rock’ kei na ‘blues’, so laki vaka toka na rorogo ni walewale ni rorogo ni dramu na ‘jazz’.
Laurai talega ena vakadidike mai na University of St Andrews ni vuqa na chimpanzee tagane e tu ga na nodra rorogo ka tukuni ira se ‘own signature rhythms’ mera tukuna kina na vanua era tiko kina kei na cava era cakava tiko.
source;dailymai.co.uk
