Na itukutuku makawa ni vuvale vakatui – Peritania kei Sikoteladi.

Ena itukutuku ka vola ko Allan Little mai Edinburgh, e matata vinaka tu kina na veiwekani , na isema kei na itukutuku makawa ni matanitu e rua ko Sikoteladi kei Peritania.

Na Marama na Ranadi e lako mai na kawa nei Robert the Bruce, ka Tui e Sikoteladi mai na yabaki 1306-kina 1329 ni bera na nona mai mate. Na turaga oqo e tukuni ni a valu ka rawata na tu galala me baleta na nona matanitu.

Ena vale ka vakatokai na Palace of Holyroodhouse, e davo koto kina na kisi nodra na Marama na Ranadi , na vale talega a qai mai kila kina na tukana vakavica ko James the Sixth of Scotland [1566-1625] ni sa na cabeta nai tutu vakatui ena gauna a mai leqa kina ko Queen Elizabeth nai matai.

Ia, era osota yani na yasa ni gaunisala ruarua kei na nodra i vutu senikau na udolu vaka udolu na lewenivanua ena koro levu o Mile. Ena gauna sa biu mai kina ko Balmoral Castle,era vakadavora yani ka so e viritaka yani na nodra senikau ena vanua ka gole tiko mai kina nai lakolako vakaciriloloma oqo.

Ena vukataki sara na yagodra na Marama na Ranadi ki Lodoni ena siga Tusiti , ka na laki vakadavori koto ena Westminster Hall.

Ena vakayacori na soqo ni veibulu e Westminster ena Moniti 19 Seviteba.

Sa mai cabeta nai tutu vaka Tui ko Charles III, ka na qai vakayacori tale tiko na kena soqo ena Sigatabu.

source:bbc