Sa sega na veitalanoa ena levu ni sara tv kei na internet-Boko mada!
Written by Atu Kurumudu on October 12, 2022
Era vakaraitaka na lewe ni koro ena yasana o Maharashtra e Idia na nodra sa tu vakataki ira ‘independence’ mai na rua na ka sa vesuka vakalevu na gauna kei na mona ena gauna oqo , oya na sara tv kei na mobile inernet. Ia , ena loma ga ni rua na auwa ena dua na siga.
Sa dau tagi ga mai na sici ena 7 na kaloko ena yakavi ena koro o Vadgaon mei vakatakilakila vei ira , mera bokoca na nodra tv kei na nodra talevoni [mobile phone].
Era na qai sema tale kina nodra tv kei na nodra talevoni ni sa dau rogo tale na sici ena veimama ni walu. Era yadrava sara tikoga na veika oqo na komiti ni koro.
Ena Okosita ka 14 , era veitalanoa taka na lewe ni koro na leqa sa laurai tiko . Qai cabe cake na siga ka tarava , 15 ni Okosita era sa tekivu vakamuria saraga na lewe ni koro nai tuvatuva sa lewai mai.
Laurai ni levu sara nai taba qase e sa vesumona taki ira tiko na tv kei na talevoni ka sa lailai na gauna ni nodra veitalanoa.
Kaya e dua na tina o Vandana Mohite , ni sa dau dredre na nona dau vosa yani vei rau na luvena ni rau sa sega ni dau kauwai , ni sa coba toka ga na matadrau ena tv kei na na nodrau qitora toka na nodrau qito ena talevoni.
source:bbc
