SA MAI DABE ENA I KA 9 NI TUTU NA NODA MATA TIMI NI FIJIANA.

Na noda mata timi ni Rooster Chicken Fijiana, eratou sa mai dabe sara enai ka 9 ni tutu ni oti na nodratou vakaitavi mai ena sotasota levu ni vuravura,ka namaki me ratou sa na tadu lesu tale tiko mai ena noda vanua ena siga nikua.

E vakaraitaka na Chairman ni Fiji Rugby Union o Humphery Tawake,ni dua nai sausau levu eratou mai  rawata na noda gone yalewa me vaka ni ratou a dabe taumada tu mai nai tutu ni ka 21 ni tutu, ni bera na sotasota levu ni vuravura,ia oqo,eratou sa sa toso cake sara mai ki nai ka 9.

Na mata timi ni Fijiana e ratou a qaqa vei Sauca Aferika,ka ratou druka vei Igiladi,ka dabe tiko enai matai ni tutu kei Varanise ka dabe tiko enai ka 4 ni tutu.

Sa vakavinakataki ratou na goneyalewa o Humphery,ka vakatalega kina o iratou na i vakalesilesi ni timi.

Ena vakayacori tiko ena dua na soqo ni veitavaki vei ira na goneyalewa ena siga nikua,ka vakarautaka na Fiji Rugby Union.

Source – Fiji Village