KACIVAKI NA VEI TIKI NI SIGA BIBI NI VAKAVAKARAU ENA VEIDIGIDIGI LEVU

Sa mai kacivaka na vale ni volavola ni veidigidigi na vei tiki ni siga bibi ni vakavakarau kina veidigidigi ena vula ko Tiseba.

Ena 8 na kaloko ena mataka ni mataka [8am],esa na tekivu na cakacaka ena kena vakatututaki na yacadra na mata vakaturi ena veidigidigi,ka na qai sogo sara tiko ena i ka 14 ni siga ni Noveba.

Na cakacaka ni kena vakasukai edua na vakatutu,ena sogo tiko ena sigalevu enai ka 15 ni siga ni vula ko Noveba,kei na kena saqati se tarogi edua na mata vakaturi,ena sogo tale tikoga ena 4 na kaloko [4pm] ena  siga vata ga oya.

Na kena vakatakilai na nodra naba ni veidigidigi na mata era na duri tiko ena veidigidigi oqo,ena vakayacori ena i ka 18 ni siga ni vula ko Noveba,kei na vola yaca me baleta na Postal Voting,se o  ira na veidigidigi e liu,mai na vanua era tiko kina ena vuku ni oso oso vakacakacaka,se vanua yawa era tiko kina,ena sogo tiko ena 5 na kaloko [5pm] ena i ka 23 ni siga ni vula ko Noveba.

Na Pre-Poll,se na matai ni veidigidigi,ena tekivutaki ena i ka 5 ni siga ni vula ko Tiseba,ka na cava ena i ka 9 ni siga,ka wili kina o ira mai na veiyanuyanu kei na loma ni vanua ena noda Viti.

Ena vakayacori tiko na Media Blackout se na vakatatabu ena kena kaburaki edua nai tukutuku vakapolitiki,ena veimama ni 7 ena mataka [7-30am] ena i ka 12 ni siga ni vula ko Tiseba,ka na 48 na auwa ni bera na veidigidigi.

Ia,ena siga ni veidigidigi,ena sa na tekivu tiko ena 7 na kaloko [7am]ena mataka, ki na 6 na kaloko [6pm] ena yakavi ena i ka 14 ni siga ni vula ko Tiseba.

Sa vakaraitaka talega na Supervisor ni veidigidigi o Mohammed Saneem,ni ratou sa mai ciqoma e 35 nai vola kerekere,me baleta na vola yaca ni Postal Voting me yacova mai na 8 na kaloko [8am] ena mataka nikua.

Esa veivakananumi tale tikoga o Saneem,ni sa na tekivu tale tikoga nikua na kena katakata cake,na vunau vaka politiki,ka dodonu me vakamuri tikoga na kena lawa,ka me kakua na veivakacacani.

Na noda veidigidigi levu sa na vakayacori tiko ena i ka 14 ni siga ni vula ko Tiseba ena yabaki oqo 2022.

VITIFM-92.2fm,92.6fm kei na 92fm.

VITIFM-E KAMICA QAI KACHI.

Source-FijiVillage.