LEWENA TALE O ALASIO NADUVA NA TIMI NI VITI NI OTI NA NONA LESU MAI ENA VEISAUTUTAKI ENA TOKALAU E LOMA.
Written by Rosena Volavola on November 24, 2022
E sa mai vakaraitaka o Alasio Naduva , na wing ni noda mata timi na Fiji Airways Mens 7s , ena nona marautaka vakalevu na nona mai lewena tale na timi ni Viti, ni oti na nona lesu mai ena cakacaka ni veisaututaki mai na tokalau e loma.
E tomana ka vakaraitaka na nona marautaka vakalevu sara, nona mai veitomani tale kei na vica na dau qito makawa me vakataki Waisea Nacuqu , Sevuloni Mocenacagi kei Josua Vakurunabili.
Na timi ni Viti ena tobu vata tiko kei na timi ni Argentina, Niusiladi kei Uruguay ena i karua ni tobu.
Na sotasota ni Dubai 7s , ena vakayacori tiko ena siga Vakaraubuka mai qo.
VITIFM 92.FM/92.2FM/ 92.6FM
E KAMICA QAI KACHII!!
SOURCE: fijivillage.
