SERE VOU – VAKABULA IKA LEVU – YASI BOI NI CAGI TOKALAU
Written by Mika Qalobula on November 24, 2022
‘YASI BOI NI CAGI TOKALAU’ – Oqo e dua na matasere ka taleitaki sara tiko na nodratou sere vovou me vaka ni ratou se qai cabe tiko mai ena buturara ni veivakamarautaki,ka liutaka tiko o Pita Sorowaqa,ka ratou cavutu mai ena loma ni koro vakaturaga o Natuvu,Saqani,ena yasana vakaturaga o Cakaudrove.
‘VAKABULA IKA LEVU’-Na sere oqo e rau lagata vata kina o Pita Sorowaqa kei Joseva Levu,nai liuliu ni matasere na Ca’aunimana ‘ei Uluinaviriviri.
E talanoataki ena sere oqo na nodrau veidomoni e dua na veitau,ka rau se bucina na veikilai mosimosi oqo,mai ena gauna rau se vuli voli kina.Ia,na kena sa toso tiko na bula ni sa cava na vuli,sa qai laki vakawati e liu vei rau o cauravou,ka sa dua na ka na kena mosi vei gone yalewa ni sa kila,ni sa calata na nona kalougata,ka sa yali mai yasana na nona ka talei.
Sa qai buli kina na sere oqo me vakaibalebaletaki vua na gone yalewa oqo,ni sa vaka e ‘VAKABULA IKA LEVU’.
VITIFM 92.2FM/92FM/92.6FM.
VITFM-E KAMICA QAI KACHI!!!!
SOURCE – PITA SOROWAQA.
