Facebook: Totogitaki o Meta me sauma e €265m – Irish Data Protection Commission.

Veilewaitaki na Meta, na kabani ka taukena na Facebook, Instagram kei na WhatsApp ena 265 na milioni na Euro se 228 na milioni na Paodi –€265m (£228m).

Veilewaitaki ratou na Irish Data Protection Commission se IDPC.

Na itotogi oqo e vu mai na kena tabaki ena mona livaliva na veika e baleti ira na milioni na dau vakayagataka na Facebook.

Tukuni ni 53 na milioni e tabaki na nodra email address kei na nodra naba ni talevoni ena dua na vatavata ka vakatokai na online hacking forum.

Ratou vakaraitaka na Facebook ni a sa bokoci oti na veika e basika ena mona livaliva ena gauna a basika mai kina ena 2019.

Ia, e dei nai soqosoqo na Irish Data Protection Commission [IDPC] ni voroka o Meta na tikina e 25 [Article 25] ni lawa ni General Data Protection Regulation (GDPR).

Ena Seviteba , a kerekere kina o Meta me rogoci tale mada ena mataveilewai e cake na kisi ni fine ka beitaki kina na Instagram me ratou sauma e 405 na milioni na Euro kina DPC.

source:bbc