LEQA ENA MATAKA NIKUA E DUA NA TURAGA MAI NADI
Written by Maria Solomone on December 23, 2022
Mai leqa ena 3 na kaloko ena mataka caca ni kua e dua na turaga mai Sabeto e Nadi.
Vakaraitaka na Tabana ni Ovisa ni turaga qo e a draivataka tiko na nona motoka,kei na dua na turaga yabaki 60 e kena pasidia,donuya na wavu kau mai Waimalika,qai kena i rairai ni a sega ni lewa rawa o draiva na nona vakau lori,qai tini ena dua na i vaka ta.
Rau tao tu ena loma ni lori,ka mani sasaga o turaga yabaki 60 ka dro rawa,ia ka mani tao tu ga o draiva,qai kainaki ni a qai leqa ena gauna vata ya.
Namaki me na vakayacori vei koya na veisele vakavuniwai me kilai na vuni nona leqa,ka ratou se tomana tiko na nodratou veivaqaqai na tabana ni Ovisa.
Na leqa qo sa kauta cake kina na i wiliwili ni lewenivanua ka ra mai vakaleqai ena noda vei tolo ni sala ena 44,ni vakatautauvatani ena 25 ena gauna vata qo ena yabaki sa oti.
Sa kerekere tiko na Chief Operations Officer o Livai Driu veikemuni na dau vakau lori ke o ni sa vakila ga ni o ni sa wawale ena gauna o veivakaleleci tiko kina,tovolea mo vakelea na motoka ka vakacegu mada.
Source:FijiVillage
