Kalougata ni rogoci na domona ni kere veivuke tiko.

Era gole yani na cakacaka ena waqa ni vakavodo iyaya [container] ka vueta mai e dua na cauravou yabaki 19 ni sa kere veivuke tiko mai ena loma ni dua na container. A biubiu mai na waqa oqo ena wavu mai Chattogram me gole yani ki nai kelekele ni waqa e Klang.Yaco na veika oqo ena siga Vukelulu.

Tukuni ni gauna era rogoca kina na domo ni kere veivuke era vakelea na waqa mera vakamuria na vanua e gole tiko mai kina na domo oya. Volai nira qai raica na cauravou oqo ena loma ni dua na container lala ka kilakasamitaki ni a vodo butako mai. Era kauti koya yani ki valenibula kara se vakataroga tikoga nai vakalesilesi se a vodo mada mai vei na cauravou oqo.

source:msn.com