CABE KINA 1/4 FAINALA NA NODA MATA TIMI ENA HAMILTON 7’S

E ratou sa cabe cake kina 1/4 fainala,na noda mata timi ni rakavi lewe ya 7 ni oti na nodratou a vakadruka na mata timi qaqa ni Samoa,ena kai 22 – 12,enai ka 3 ni qito vaka tobu ena sotasota ni Hamilton 7’s ena yakavi nikua.

O waisea Nacuqu na kavetani,e a tabaka e 2 na sikoa enai matai ni veimama,ka ratou mai liu toka kina ena 10-0.

Ia,a sauma lesu mai o Samoa ena nona mai tabaka o Tuna Tuimata e dua na nodratou sikoa ena i ka 6 ni miniti ka mai caqeti curu,ka liu toka o Viti ena 10-7 ena veimama.

E tekivu nai ka 2 ni veimama ena dua na siko ka mai tabaka o Motu Opetai,ka ratou mai liu toka kina ena 12-10,ni bera ni mai tabaka tale o Viuviyawa Naduvalo e dua na sikoa ka cala na kena caqe,ka dua tale mai vei Manueli Maisamoa ka qai curu na kena caqe.

Na 1/4 fainala ni sotasota ni Hamilton 7’s ena vakayacori tiko ni vo e 2 na miniti me 10 na kaloko ena mataka ni mataka(9.58am),na semi fainala ni vo e 12 na miniti me 2 ena sigalevu ni mataka(1.48.pm),kei na fainala levu ni vo e 4 na miniti me 7 na kaloko(6.56pm) ena yakavi ni mataka.

VITIFM 92.2FM/92FM/92.6FM

VITIFM – E KAMICA QAI KACHI

I VUREVURE – FIJI VILLAGE.