VAKACEGU MAI NA I TUTU VAKAI VUKEVUKE VAKADAUNIVEIVAKATAVULICI NI FLYING FIJIANS O RICHIE GRAY
Written by Demesi Kakaya on February 11, 2023
Esa vakacegu ena nona tutu vaka i vukevuke vaka dau ni veivakatavulici ni timi ni Flying Fijians o Richie Gray, esa nona vakatulewa ga me vakacegu mai nai tutu oqo.
E taura tiko mai nai tutu qo o Gray ena yabaki 2020,ka rau cakacaka vata tiko mai kei Vern Cotter.
Vakaraitaka o Gray ni rau dauniveituberi vata tiko mai kei Cotter ena loma ni 8 na yabaki, ena nona vakabauta vaka dau ni veivakatavulici kevaka e vakacegu mai ena nona itutu nai liuliu ni veivakatavulici ena nona dina taucoko ena dodonu me na vakacegu talega vaka kina.
E vakanuinui vinakataki ira talega na timi ni Flying Fijians o Gray kei ira na vakalesilesi ena vuku ni vakavakarau kina sotasota ni Vuravura.
Vakavinavinakataki Gray talega na Manidia o Simon Raiwalui ena nona vakaitavi tu mai ena timi ni noda vanua.
Tukuna o Raiwalui ni Unioni e rokova na nona vakatulewa.
Source : FIJI VILLAGE
