Papua New Guinea: Vesu vakaukauwa e dua na professor mai Ositerelia mai vei ira na dau vakacaca.
Written by Atu Kurumudu on February 21, 2023
Tabaki ena dua nai tukutuku nira tauri vakavesu e so na ilawalawa mai vei ira na dau vakacaca tauri yaragi ena Ceva ni vanua levu o Papua New Guinea.
E sauma tikoga na vakatataro na Royal Papua New Guinea Constabulary (RPNGC) ka vakadeitaka nira wili tale tikoga na vesu e so na vulagi.
Sala muria tikoga nai tukutuku oqo na kena mai vakadewataka ena tabana ni tukutuku na Reuters ni wili tiko vei ira na vesu oqo e dua na professor mai na univesiti e Ositerelia.
Era vakadeitaka na ovisa ni yaco na veika oqo ena iyala ni vanua e Southern Highlands kei na yasana o Hela provinces, voleka ena koro ko Fogoma’iu.
Kaya na ivukevuke ni komisina ni ovisa ko Dr. Philip Mitna ,ni ratou sa cakacaka tiko vagumatua mera sere mai o ira kece na vesu tu oqo.
source:msn.com
