VAQAQAI TIKO NA NONA VAKASAURARATAKI E DUA NA LEWENIVANUA ,NI OTI NA NONA LAVETA CAKE NA MARAMA TINANA NA NONA KAUWAI ENA MONA LIVALIVA.
Written by Rosena Volavola on February 24, 2023
Na kena kilakasamitaki na nona vakasaurarataki e dua na lewenivanua ka qaravi tiko ena vanua ni veivakadodonutaki na Remand Centre oqo e Suva, e sa vaqaqai tiko ena gauna oqo, ni oti na nona laveta cake na marama tinana na nona kauwai ena mona livaliva.
E vakaraitaka nai tukutuku oqo na Chief Of Intelligence, Investigations and Prosecutions, na vukevuke vakatawa ni Komisina ni Ovisa o Sakeo Raikaci.
E tomana ka tukuna ni ratou sa vakasokumuna tiko na nodratou dauniveivaqaqai na vei tukutuku me baleta na kisi oqo, ni bera na ra na qaai mai vakatarogi o ira na lewenivanua era a vakabauti ni ra vakayacora na i tovo lolovira oqo.
Ia , e vakaraitaka na vunilawa o Siromi Turaga ni veivakasaurarataki e sega ni dodonu , ka vei kisi kece e kilakasamitaki ni a vakayacori kivei ira na qaravi tiko ena vanua ni veivakadodonutaki, era na vaqaqai kece ena ruku ni lawa, ka tomana ni sa veitaratara oti ki vua na marama tinana na gone oqo, ka sa vakadeitaka vua ni matanitu cokovata ena sega vakadua ni dau tokona nai tovo ni veivakasaurarataki.
VITIFM 92.FM/92.2FM/92.6FM
KAMICA QAI KACHI!
SOURCE: fijivillage.
.
