All Blacks: Ena oti vakacava na mosi vei Scott Robertson ni oti na druka ena sota kei Puma e Wellington?

Na vanua vinaka duadua me vakaotia na mosi ni oti na druka vei Argentina vei Ardie Savea na kavetani ni All Blacks kei ira na lewe ni timi sai koya na nodratou na vakadinadinataka ki vuravura ni rawa me ratou na veisautaka na matanicagi ena nodrau na calidi tale kei na timi ni Argentina e Okaladi.

Kevaka e ratou na gadreva me ratou na veiqati taka tiko ga na ulu ni cocovi ena Rugby Championship , e dodonu me ratou na qaqa ena qito ka tarava , kani sa sega tale ni dua na kena gaunisala.

All Blacks ni oti nodratou druka vei Argentina e Wellington ena bogi ni Vakarauwai.
Andrew Cornaga/www.photosport.nz

Ni oti mai druka oya 38-30 vei Argentina e Wellington , eratou lesuva tale na panel ni coaches kei ira na  lewe ni timi taucoko ni All Blacks nai yaloyalo ni qito mera raica na vanua e ratou malumalumu kina kei na vuni nodratou druka e Sky Stadium.

Era duavata kece na leweni timi ni sega soti sara ni rairai vinaka na i walewale ni qito e ratou vakayacora. Laurai ni vaka e laki malumu na nodratou qito na All Blacks ni voleka ni cava na imatai ni veimama.

E dodonu me ratou a sa cakacakataki ratou saraga ena gauna rau mai tabaka kina yadua na sikoa na lock – Sam Darry kei na midfielder o Anton Lienert-Brown, bau kina na nona mai caqeta curu talega e rua nai totogi o Damian McKenzie.

Sega saraga ni yavala na misini ni cukivovo ena iyatu e liu ni All Blacks ni ratou sa tataqomaki vinaka toka mai na cauravou ni Argentina.

Argentina’s Santiago Chocobares kei Jordie Barrett.
Andrew Cornaga / AP

Sega sara ni tekitekivu vinaka vei Robertson kei iratou na nona itokani na qito sa oti oya, ia , na taro levu ka vuqa era taroga tiko ena gauna oqo se rawa kina All Blacks mena re-set tale ena qito namaki e Eden Park.

source:stuff.co.nz