Qito tale ena nona kalavo na Coastal na playmaker ni All Blacks – Beauden Barrett.
Written by Atu Kurumudu on June 17, 2024
Talei dina na nona laki qito tale ena nona kalavo ni rakavi na Coastal ena sotastoa ni Tranaki premier rugby competiton na playmaker ni All Blacks o Beauden Barrett.
Lade ki rara ena i karua ni veimama o Barrett , ka laki vakavuna sara me ratou qaqa vei Inglewood ena kai 52-12.
Tokara oti vaka 123 na jersey ni All Blacks o Barrett ena qito ni valataki vanua. Oqo talega e se qai matai ni gauna me qito kina ena nona kalavo ni sa oti e 14 na yabaki kani iotioti ga ni gauna e dara ka qito kina ena nona kalavo kei na nona dara na jersey drokadroka ena 2010. A dodonu me qito ena sota kei Southern ena Epereli 2020 ka mani seva ni takoso na mate na Covid-19 kei na lockdown.
Beauden Barrett ena nona kalavo ena sotasota e Taranaki.
SPINNA PHOTOGRAPHY / STUFF
Se qai lesu tale tikoga mai Japanai o Barrett’s ena nona laki qito voli ena kalavo na Toyota Verblitz.
Marautaka vakalevu na cauravou oqo na nona lesu tale mai ka vakauasivi na nona mai dara tale na jersey ni nona kalavo makawa ni sa oti e dua na gauna balavu. Ena laki vosa tiko ena dua na soqo kana vakayacori tiko ena Francis Douglas Memorial College e New Plymouth ena Vakaraubuka.
source:stuff.co.nz
