An 11-year-old boy caught a fish with ‘human-like teeth’ – ena dua na tobu e Oklahoma.
Written by Atu Kurumudu on July 27, 2023
Dadabe voli o Janna Clinton ena varada ni nona vale ka saravi Charlie na luvena yabaki 11 ni siwa voli ena dua na tobu ka voleka ga ena daku ni nodratou vale e Oklahoma, Amerika. A qai kidacala ga mai ni sa kaikaila tiko na luvena ka kacivi koya tiko me vakatotolo yani.
A nanuma ga o tinana ni vaqitoqito tikoga. Gauna sa toso voleka yani kina sa qai raica na ka e kailavaka mai o Charlie.
Kaya na marama tina oqo ni sa dau vakavuqa me siwa ena vanua vata ga oya ka se qai i-matai ni gauna oqo me raica kina e dua na ika me vaka oqo na kena irairai.
Na yaca ni ika ka rawata o Charlie e yacana na pacu, ka rau vuvale vata kei na piranha. Na ika oqo e bula ga mai South America, ia e dua oqo e mai qaqalo sara tu ena dua na tobu e Oklahoma. Kaya o Charlie ni dua na ka na nodrau veivala toka kei na ika oqo ni bera ni dreti koya rawa mai vanua.
source:google
